Aurkezpena

Irungo Toki-Alai BH Institutuko Mediatekaren bloga da hau. Gure helburua ikasleei, irakasleei eta gurasoei zuzendutako informazio baliagarria eskura ekartzea da. Mediatekan irakurri, ikertu, ikasi eta aisialdia disfrutatzeko baliabideak aurki ditzakegu eta bloga lehio digitala izango dugu. Zuen interesak ezagutzea ezinbestekoa da, beraz denon iritziak eta eskaerak ongietorriak izango ditugu. Bloga guztiona eta guztiontzat da.

2015/12/17

URTE BERRI ON!

2015 urtea bukatzear dago. Bihar, abenduaren 18a, urteko azken laneguna dugu. Guraso elkarteak, urtero bezala, hamaiketakoa prestatuko digu eta txistorra bokatak emango dizkigute 11:15etan.

Gabonak irakurtzeko oporraldi aproposak dira irakurketarekin gozatzeko. Baita estreinatu berri dugun Carlos Blanco Aguinaga kulturgunea ezagutzeko ere. Liburutegiko ordutegia hau da: Astelehenetik ostiralera: 9:00 - 20:00 eta Larunbatean: 9:00 - 13:00.

Datozen egunetan artisautza azokak eta kultur elkarteen emanaldiak ospatuko dira Irunen. Disfrutatu Gabonak eta URTE BERRI ON!!!

2015/12/10

GIPUZKOA KULTUR BONUA

Kultura Bonuaren deskribapena eta funtzionamendua

Kultura Bonuarekin kultur produktuak eta zuzeneko ikuskizunetarako sarrerak erosi ahal izango dira.

Egitasmo honetara atxikitzen diren Gipuzkoako saltoki eta antzokietan erosi daitezke eta soilik erositako lekuan bertan erabili behar dira, erosketa bakar baten.

Kultura Bonuak 2015eko abenduaren 5ean egongo dira saltokietan eta 2016 urteko apirilaren 15a arte erabili ahal izango dira erosketak egiteko.

Kultura Bonu motak

Hiru eratako kultura bonuak daude:
  • 1.mota: Euskarazko liburu, diska eta DVDak erosteko bonuak (testu liburuak, ikasketa liburuak eta profesionalak izan ezik)
  • 2.mota: Beste hizkuntza baten dauden liburu, diska eta DVDak erosteko bonuak (testu liburuak, ikasketa liburuak eta profesionalak izan ezik)
  • 3.mota: Zuzeneko ikuskizunetarako -musika, antzerkia, dantza...- sarrerak erosteko bonuak.
    • Kultura Bonuaren prezioa eta balioa

      Kultura bonuek prezio eta balio hauek izango dituzte:
      • 1. eta 2.motako bonuek 20 eurotako prezioa dute, eta 30 eurotako erosketa egin ahal izango da.
      • 3.motako bonuak 25 euroko prezioa du eta 40 euroko erosketa egiteko balio du.
      http://kulturabonua.gipuzkoa.eus/eu/informazioa 

EUSKARA BATZORDEA DURANGOKO AZOKAN


Durangoko Azokaren arrakasta gero eta handiagoa da urtetik urtera. Pasa den abenduaren 4an HNBko 50 ikasle 50. Durangoko Azokara gerturatu ziren euskal kulturaz gozatzera.

2015/11/25

Patxi Gallegok eta Xabi Payak bertsolaritzaren munduan girotutako komikia kaleratu dute

 
Bertsolari aldizkaria 100. zenbakira iritsi dela ospatzeko argitaratu da NORK, umorea eta satira erabiliz,  genero beltzari jarraitzen dion istorioa.

Nork komiki liburuaren abiapuntua 2013ko Bertsolari Txapelketa Nagusia da. Finala Barakaldoko BECen. Eta parte hartzaileen artean Egaña, lau aldiz txapeldun izandakoa eta ustez lehiatik kanpo gelditzeko asmoa zuena. Baina ez. Finalean da, eta finalisten artean bera nagusi. Txapela jantzi eta agurreko bertsoa kantatu behar duenean, ordea, mikroa ukitu eta ziplo eroriko da elektrokutatuta.

Hortik abiatuta, lau ikertzaile, lau detektibe, jarriko dira buru-belarri Egañaren heriotza ikertu nahian: Amezketako aguazila, Jesika Fletxeberria, Amaia Ezpeldoi eta Bertsocop.

Gaur egun Nork izenburuarekin argitaratu den komikiaren 144 orrialdeetatik 28 bat Bertsolari aldizkarian agertu dira 2013tik hona Hamar bertsolaritxo izenpean. «Lan handia izan da», Gallegok dioenez, eta lan karga hori areagotu egin dute Payak egindako proposamenek: «Pentsatzen nuen sinpleagoa izango zela, baina eginarazi dizkit gauza oso zailak!», «100 bat pertsonaia marraztu behar izan ditut»

AZAROAREN 25, EMAKUMEENGANAKO INDARKERIAREN AURKAKO EGUNA.

Zuk nori lagunduko diozu? 
 






Ez ikusiarena ez egin!

2015/11/24

ABENDUAK 3, EUSKARAREN EGUNA

Nazioarteko Euskararen Eguna ospatzeko hainbat ekintza eta lehiaketa antolatu dira ikastetxean.
Alde batetik, 4. mailako ikasleek Plastika ikasgaian PEGATINA LEHIAKETA martxan jarri dute. Ikastetxeko beste kide guztiei zabaldu zaie parte hartzeko gonbidapena.
Bestalde, 1. mailako ikasleek BIDEO LEHIAKETAn parte hartu dute eta denei zabaldu diete EUSKARAREN inguruan laburmetrai bat egiteko gonbidapena.
Abenduaren 3an HERRI KIROLAK, MUSIKA, pegatina irabazlearen banaketa eta egindako laburmetraien proiekzioa burutuko dira.

2015/11/18

4F TALDEA GUADALUPERA BISITA


Gaur 4F taldea Guadalupera joan da goiza pasatzera. Helburua taldea hobe elkar ezagutzea eta ingurumena baloratzea da.

EUSKARA BATZORDEA BARRIAKO EGBan


Pasa den astean Normalkuntza Batzordeko 22 ikasle Barriako Euskal Girotze Barnetegian egon ziren astelehenetik ostegunera, jokuez, eskursioez, ginkanez eta disko festaz gozatzen.

2015/10/13

BIDASOATIK MUNDURA, SASOI ERRONKA

TOKI ALAI BHIk, Bidasoaldeako beste 9 ikastetxek bezala, BIDASOATIK MUNDURA, SASOI ERRONKAN parte hartzen ari da.

“Bidasoatik Mundura, Sasoi Erronka”, Bidasoa inguruko ikastetxeen arteko Munduari bira emateko bidai bat da. Programa honen helburu nagusia bizi-ohitura osasungarriak sustatu eta barneratzea, eta eguneroko bizitzaren parte izan daitezen lortzea da, eta, bide batez, ongi pasatzea! 
1. eta 2. DBH-ko ikasleek parte hartuko dute 8-12 ikasleko taldeetan.

“Bidasoatik Mundura Sasoi Erronka” programan 3 ekintza nagusi daude:
  • Munduko Toura, hiruhileko bakoitzean munduan zehar egin beharrekoa, hainbat herrialde zeharkatuaz.
  • Galdeketa, elikadura osasungarriari buruz.
  • Bideoa, non hiruhileko bakoitzean ikastetxean egindako ekintzak eta bitxikeriak laburtuko diren.
 Beraz, animo taldeak, erronka hasia da eta zuen esku dago saria irabaztea! 

Top@DIPC Zientziarekin Solasean!

Urriaren 20an, gure ikastetxeak Donostia International Physics Center-ek (DIPCk) antolatu duen Nobel Sarituen eta puntako ikertzaile eta Bigarren Hezkuntzako ikasleen arteko topaketan parte hartuko du.
Hauek dira aurtengo gobidatuak:
Gure ikastetxeko lau ikaslek izango dute parte hartzeko aukera eta ikertzaileei galdera bat egitekoa. Ikasleak aukeratzeko 4. DBHko ikasle interesatuen artean txapelketa bat antolatu da. Bakoitzak bere galdera aurkeztu du eta ondoren Natur Zientzietako mintegiko kideen artean galdera interesgarri, original edo berritzaileena aukeratu da. Hauek izango dira joango diren ikasleak:
  • María García 4A
  • Ibon Cipitria 4B
  • Maider Garmendia 4C
  • Irati Sánchez 4C

2015/10/08

Carlos Blanco Aguinaga Kultur Gunea estreinatu berri da.

Carlos Blanco Aguinaga (Irun, 1926-La Jolla, AEB, 2013), nobelagilea eta irakaslea. Familia errepublikarrekoa, Blanco Aguinaga Hendaian errefuxiatu zen beretarrekin, 36an gerra piztu zenean. 1939an, Mexikora joan zen familia, eta han hasi zituen Blanco Aguinagak bere unibertsitate-ikasketak. Harvard-eko beka bat lortu ondoren, AEBetara joan zen. Laurogeiko hamarkadan, Euskal Herriko Unibertsitate sortu berriko irakasle ere izan zen. Erretiratu ondoren, eta hil arte, irakasle emeritua izan zen Kaliforniako Unibertsitatean.
Bere omenez, Irungo Udalak estreinatu berri duen San Juan plazako Kultur Guneari bere izena jarri dio.
Kultur ekintzei eta zerbitzu publikoei buruzko informazio guztia HEMEN
Ordutegia
Urtarrila-Ekaina/ Urria- Abendua
Astelehenetik ostiralera: 9:00 - 20:00.
Larunbatak: 9:00 – 13:00
Uztaila- Iraila
Astelehenetik ostiralera: 8:00 – 14:00
Larunbatetan itxita.

2015/09/23

IRUN ROCK jaialdia

IRUN ROCK jaialdiari esker irailaren 25etik 27ra San Juan enparantzan doako kontzertuak disfrutatzeko aukera izango dugu.
http://irunrockjaialdia.blogspot.com

NERABEEKIN ETA GURASOEI programak

Familiari arreta emateko programak dira. Babes-taldeen bidez egiten da, eta talde horietan, aitek zein amek beren esperientziak eta zalantzak partekatu eta orientazioa eta laguntza aurkitzen dute.
Izena emateko epea urriaren 15a arte izango da. Informazio gehiago hemen:
http://www.irun.org/cod/programas/programa.asp?idioma=2&clave=2953


Edertasuna, erakusketa berezia Oiasso Museoan

Apain-mahaiko Istorioak: kosmetika eta edertasuna Antzinatean

Betidanik, gizonak eta emakumeak euren itxura pertsonala hobetzen saiatu dira Naturak eskainitako baliabide guztiez baliatuz. Egipton, Grezian eta Erroman ohikoa zen kosmetiko eta olio perfumatuen erabilpena, baita tindu eta azalerako geruza edertzailena ere, ileorde eta pelukena barne. Orain sekretu horiek "Apain-mahaiko Istorioak: kosmetika eta edertasuna Antzinatean" erakusketan azalduko dira bilduma arkeologiko aparta baten bidez.
http://www.irun.org/oiasso

15-16 ikasturtea martxan!!

Jada bi aste pasa dira 2015-16 kurtsoa hasi denetik. Martxan gaude gogoz erronka berriei aurre egiteko.
  • Mediatekako ordutegiak aldaketa txiki batzuk izango ditu:  Liburutegia txirrinak jo baino bost minutu lehenago hustuko da.
  •  Irailaren 30a arte atsedenaldietan irekita egongo da. 
  • Urriaren 1etik aurrera atsedenaldi, bazkalordu eta arratsaldetan. Astelehen, astearte eta ostegunetan 16:05etan laguntza jarduerak burutzen ditugu, 17:05ak arte. Nahi duten ikasleak gera daitezke lanean, beti gurasoen baimenarekin.
Mediateka erabiltzeko arauak berdinak dira aurten ere.
  1. Elkarbizitza atsegina izan dadin, liburutegia lan egiteko, irakurtzeko edota informazioa bilatzeko erabili daiteke soilik. 
  2. Lan giroa egokia izateko, denok kontrolatu behar dugu ahotsaren bolumena eta egiten dugun zarata. 
  3. Bestalde, ordenagailuak modu egokian erabili behar dira beti. 
  4. Bukatzeko, mediatekan ezin da jan.

  • Mediatekako irakasleak laguntzeko gaude. Beraz, edozein ikaslek laguntza eska diezaguke edozein momentutan. 

2015/06/18

UDA, IRAKURKETAZ GOZATZEKO GARAIA

ADI!!!IRUNGO UDAL LIBURUTEGIAK ALDAKETAK IZANGO DITU ZERBITZUETAN.

Hemeroteka, ikasketa gela eta Internet zerbitzuak berdin jarraituko dute ondoko ordutegiarekin:

EKAINA 
Astelehenetik ostiralera: 8:30 - 13:00 eta 16:00 - 20:00
Larunbata: 9:00 - 13:00
UZTAILA - IRAILA
Astelehena, Asteartea, Osteguna eta Ostirala: 8:00 - 14:00
Asteazkena: 8:00 - 14:00 eta 17:00 - 19:00
Larunbata: Itxita

San Juan plazako Carlos Blanco Aginaga liburutegi berrira liburu guztiak trasladatuko dituztenez, mailegu zerbitzua astelehenetik aurrera bertan behera geratuko da. Erabiltzaileentzako eragozpenak ahalik eta txikienak izan daitezen, 8 ale hartu daitezke urrira arte.

https://es.pinterest.com/bibliotecairun/lecturasdeverano-udakoirakurketak/

2015/06/15

KURTSO BUKAERAKO EGUTEGIA


  • Datorren ostegunean, ekainak 18an, OHIKO EBALUAZIOA.
  • Ostiralean, ekainak 19an, EZ OHIKO PROBETARA AURKEZTU BEHAR DIRENEN ZERRENDAK.
  • Hurrengo astelehen eta asteartean, ekainak 22 eta 23, EZ OHIKO AZTERKETAK. ORDUTEGIA HEMEN
  • Asteazkenean, ekainaren 24an, EZ OHIKO EBALUAZIO SAIOAK
  • Ostiralean, hilak 26an, NOTEN BANAKETA, goizeko 12etan.


Ekainaren 19a, AZKEN EGUNA

Datorren ostiralean ohiko klaseak bukatzen dira. 
1. eta 2. mailako ikasleek testu liburuak entregatu behar dituzte. 
Hortaz aparte, ikasle guztiek mahaiak eta gelak jasoko dituzte garbitzaileei lana erraztearren.

Goizeko 10etan 4. mailako ikasleen agurra ospatuko dugu. Dagoeneko lau urte pasa dituzke Toki Alaien. Asko hazi eta aldatu dira iritsi zirenetik. Hemendik aurrera lanean jarraituko dutela espero dugu eta proposatutako amets guztiak lortzea opa diegu. ZORIONAK guztioi, lortutakoa ez baitzen erraza!!!

AZKEN ASTEA

2014-15 ikasturtea amaitzear dago. Gaur Hizkuntzaren Normalkuntza Batzordeko ikasle batzuk Zarautzera joan dira surf egitera.

Bestalde, 1. mailako Arkeologia tailerreko eta 2. mailako Arte tailerreko ikasleak Gizarte mintegiak antolatutako irteera egiten ari dira. Hauek Lizarraldera joan dira Andelos hiri erromatarra bisitatzera, Eunateko baseliza eta Artaxona herria bisitatzera.


Ekainaren 17an, asteazkenean, 2. mailako ikasleak Beasain aldera doaz abenturaz beteriko eguna pasatzera.

2015/06/08

ANTZERKIA TOKI ALAIEN

Bihar, hilak 9, Dramatizazio tailerreko ikasleak Toki Alaira joango dira 4 eta 5 urteko ikasleei antzezlana aurkeztera.
"Hansel eta Grettel bihurriak" eta "Telebistaren kontrola" antzezlanak ikasleek sortutako obrak izango dituzte txikiek ikusgai.
ANIMO ARTISTAK!!!

2015/05/27

AZKEN IRTEERAK

Oso gutxi falta da 2014-15 kurtsoa amaitzeko, baina oraindik badira egin beharreko irteerak.
Bihar, hilak 3an, 1. eta 3. mailako ikasleek musika emanaldia eskainiko digute Toki Alaiko kide guztiei Amaia antzokian. Kontzertua goizeko 10etan hasiko da.
Ekainaren 15an aldiz, Normalkuntza Batzordeko ikasle batzuk Zarautzera joango dira surf egitera. 

EKAINEAN ORDUTEGI ALDAKETA

Urtero bezala, ekaina iristean, atsedenaldietan soilik irekitzen da Mediateka. Beraz, ordutegia honako hau izango da astelehenetik ostiralera:

09:55-10:20

12:05-12:20

Animo guztioi, azken ttanpa da eta!!!

ASIER SERRANOREN LITERATURA ETA MUSIKA

Asier Serrano, euskal idazle eta kantugilea, Gazteluzarrera etorriko da datorren ostiralean, maiatzak 29an.
4. mailako ikasle guztientzako Euskara Mintegiak antolatu du ekintza interesgarri hau. Literatura eta Musika hitzaldian Asierrek bere ibilbideari buruz solastuko du ikasleekin. Kitarra ere ekarriko du eta abesti mitikoak joko ditu.

ZIBERMANAGERRAK

DBH 2. mailako ikasleek Hiritartasuna ikasgaiaren baitan hainbat proiektu burutzen ari dira. Haien artean, teknologia berrien bidezko jazarpena edo ziberbullying-aren inguruko prebentzioa bultzatzen duena.
2Ako ikasleak Toki Alai eta Dunboako Lehen Hezkuntzako 6. mailako ikasleak bisitatuko dituzte.
Informazio gehiago HEMEN.

Odol Emaileen Elkarteari lagunduz, biziari baietz esan!


DBH 2. mailako ikasleek Hiritartasuna ikasgaiaren baitan hainbat proiektu burutzen ari dira. Haien artean, ODOL EMAILEAK lortzeko kanpaina. Ikasleen asmoa odola emateko pertsonak lortzea da.
Proiektu honen bidez odolaren garrantziaz jabetu dira, eta ikasi dute askotan, arrazoi ezberdinak direla eta, jendeak odola behar duela. Odola sintetikoki fabrikatzea ezinezkoa da eta gaixoek ezin dute itxaron. Beraz, odol emaileen laguntza ezinbestekoa da.
Informazio gehiago HEMEN.

2015/05/21

ZABALDU HEGOAK FESTA

DBH 2. mailako ikasleek Hiritartasuna ikasgaiaren baitan hainbat proiektu burutzen ari dira. Haien artean, Juneren Hegoak elkartearekin batera proiektu polita gauzatuko dute datorren larunbatean, maiatzaren 23an, Zabaltza plazan dirua jasotzeko,  ume gaixoen eta bere familien egoera ezagutuarazteko eta ondo pasatzeko.
Juneren Hegoak elkartearen aldeko haurren festan marrazki tailerra, aurpegia margotzeko txokoa, jokoak, dastatzeko tarta goxoak eta ipuin kontaketa Estitxu Mentaberriren eskuz egongo dira goizeko 10etatik 14ak arte.
ZABALDU HEGOAK ZUK ERE!!!

2015/05/20

Gerta dakizue

Aesleme (Asociación para el estudio de la lesión medular espinal) elkarteak "Gerta dakizue" hitzaldia emango du 4. DBHko ikasleentzat.
Bizkarrezur muineko lesioak sortzen dituzten istripuen prebentzioa da helburua. AESLEMEk sentsibilizazio lana egiten du neska-mutilak ondo konturatu daitezen errepideak arrisku handia daukala, eta trafiko-istripuek ondorio latzak izan ditzaketela eguneroko bizimoduan.

Agenda 21. Irungo eskolen arteko foroa

Bihar, maiatzaren 21an, Agenda 21 proiektuan, garapen iraunkorrerako hezkuntzako eskola-programan, lan egin duten ikasleak Irungo eskolen arteko forora joango dira beste ikaskideekin haien esperientzia partekatzera.

2015/05/19

HONDARRIBIKO NESKAK

Hondarribia Futbol Elkarteak futbolean aritzeko gogoa duten neskak izena ematera animatzen ditu. Gogotsu dabiltza eta giro polita dute. Animatu!!! 
BIDEOA IKUSTEKO KLIKATU HEMEN

BERTSOLARITZA

Irungo Bertso Eskolak eta Euskara Mintegiak DBH 2. mailako ikasleentzako bertsolaritzari buruzko tailerra antolatu zuten. Peio Iriarte, 3. mailako ikaslea, bertsolaria da eta iraskale ibili zen saio honetan.
https://irunabar.wordpress.com/2015/05/18/toki-alai-gaztelu-zaharren-bertsotan/ 

2015/05/13

Maiatzaren 17an, homofobiaren, lesbofobiaren eta transfobiaren aurkako nazioarteko eguna

Munduko hainbat herrialdetan, hainbat elkarte eta erakundek bultzatuta, homofobiaren, lesbofobiaren eta transfobiaren aurkako eguna ospatuko da datorren igandean, maiatzaren 17an.

1990ean, Osasunaren Mundu Erakundeak (OME) homosexualitatea gaixotasunen zerrendatik ezabatu zuen. Maiatzaren 17an izan zen. Gertaera garrantzitsu hori kontuan hartuta, urtero ospatzen da homofobiaren, lesbofobiaren eta transfobiaren aurkako eguna.

Sexu askapenaren aurrerapausoak nabarmenak dira gure gizartean. Hala ere, bada zereginik. Azken boladan egin diren ikerketen emaitzak ez dira nahi bezain onak izan. Nerabeen jarrerak aniztasun afektibo-sexualaren aurrean izeneko ikerketa Donostiako hainbat ikastetxetan egin zuten . Horrek datu kezkagarriak utzi zituen eta ikasle askok jokabide homofoboa izaten dutela utzi zuen agerian. Baina ez hori soilik; gainerako ikasle gehienak horien lekuko izan arren, isilik geratzen dira eta jarrera pasiboa izaten dute. 

Euskal Autonomia Erkidegoko hiru probintzietan bullyng homo-lesbo-transfobikoa gertatzen da. Hortaz, aurreiritzi homofobo eta transfoboak prebenitu behar dira, eta horien kontra borrokatu. Eskoletan homofobia saihestea ezinbestekoa da edonori erabat libre sentitzeko eta bere sentimenduak adierazteko aukera emango dion gizartearen oinarriak finkatzeko.
GehituEhgamAldarte


PATXI GALLEGO ILUSTRATZAILEAREN HITZALDIA

Bihar, ostegunean, 2014-15 ikasturteko mediatekako azken ekintza burutuko dugu. Edizio mundua ezagutuz, irakurzaletasuna bultzatu lelopean ilustrazioari buruzko hitzaldia emango digu Patxi Gallego irakasle eta ilustratzaileak. 4. mailako hainbat ikaslek aukera izango dute ilustrazio lanaren prozesua nolakoa den ezagutzeko.
Patxi komikigile gipuzkoarra da. Arte ederrak ikasi zituen Leioan

2015/04/30

Mediateka itxita


Datorren ostegunean, hilak 7an, Mediateka goizeko atsedenaldian soilik irekita egongo da. Hortaz, bazkalorduan eta arratsaldez ez dugu zerbitzurik emango.
Ostiralean, hilak 8an, ere bai Mediateka itxita egongo da goiz osoan zehar.

Barkatu eragozpenak!

IRTEERAK




Datorren astean 1. mailako ikasleak Arditurriko meatzeak eta 
soinuene Museoa bisitatzera joango dira.
http://www.arditurri.com/
http://herrimusika.org/museoa/




2. mailakoak, aldiz, maiatzaren 8an eta 22an Hondarribiako Atalerrekako Hondakin Uren Araztegira joango dira bisitan. 
http://www.txinzer.com/ 




4. mailako Latina ikasleak Cluniako Antzerki Klasikoaren Jailadira jaoteko aukera izango dute. Hurrengo egunean Donemiliaga Kukulako Yuso monastegia bisitatuko dute.





                                                                        

2015/04/24

Toki Alaiko lehiaketen irabazleak

  Pasa den ostegunean, hilak 23an, Liburuaren Nazioarteko eguna ospatu genuen eta Concurso de Marcapáginas lehiaketaren eta Literatur Lehiaketaren irabazleak ezagutu genituen.

Eneko Salas, Olatz Iraola, Osane Amiano, Lizar Montagut eta Ibane González dira Concurso de Marcapáginas lehiaketaren irabazleak. Epaimahaia 4. mailako ikasleek osatu dute. Saria Elkarreko 25 euroko balioa duen opari-txartela izan da.

Literatur lehiaketaren irabazleak Alaitz González eta Sara Martínez izan dira Lehen Zikloan eta Maddi Urtxegi eta Arkaitz Cipitria Bigarrenean. Saria liburu elektroniko ultramehe bana  izan da.

ZORIONAK GUZTIOI ZUEN LANAGATIK!!!

Irun dantzan



Irungo Udalak, Irungo Musika kontserbatorioak eta hiriko hainbat dantza taldeek DANTZAREN NAZIOARTEKO EGUNA ospatuko dute datorren igandean, hilak 26an. Ekitaldiak Zabaltza plazan egongo dira.

2015/04/17

Nazioarteko Liburuaren Eguna


Apirilaren 23a, Nazioarteko Liburuaren Eguna

2015eko Nazioarteko Liburuaren eguna dela eta, apirilaren 23an mundu osoan ospatzen dena, Toki Alaiko mediatekak jarduera hauek antolatu ditu irakurzaletasunaren alde.



  • Gaztelania Mintegiko 1DBHko “Concurso de marcapáginas” lehiaketaren sari banaketa atsedenaldian burutuko dugu gimnasioan. 4DBHko ikasleak izango dira epaimahaiaren kideak.
  • Idazketa lehiaketetan parte hartu duten ikasleek eta interesa dutenek Gorka Calzadaren “Qué es un libro” hitzaldira joateko aukera izango dute. Gorka Calzada, idazlea eta editorea, ikastetxeko irakaslea dugu.
  • Maiatzako bigarren astean, Patxi Gallego ilustratzaileak eta ikastetxeko irakasleak 4DBHko ikasleei ilustrazio munduari buruzko hitzaldia emango die.
Irungo Udalak ere ekintza bereziak antolatu ditu. Informazio gehiago nahi izanez gero, klikatu hemen.

2015/04/16

Coca Cola Lehiaketa: Jóvenes talentos de relato corto



Bihar, hilak 17, 2. mailako ikasle batzuek Coca Cola literatur lehiaketan parte hartuko dute. Zorte on!!

Drogen kontsumoaren prebentziorako hitzaldiak



Drogen kontsumoa eta menpekotasuna saihesteko eta horri aurre egiteko, prebentzioa ezinbestekoa da. Ikasle guztiek  drogen arriskuei eta ondorioei buruzko hitzaldiak jasoko dituzte.

IRTEERAK

Datorren ostiralean, hilak 17, 4DBHko ikasleak Pio Baroja eta Plaiaundi ikastetxeak ezagutzera joango dira.

Bestalde, apirilaren 22an, 1. eta 2. mailetako Frantseseko ikasleak eta 2. mailako Arte tailerrekoak Baionara joango dira egun-pasa.

3. eta 4. mailako Frantseseko ikasleak aldiz, 2 egunez joango dira Bordelera, apirilaren 28 eta 29an.

Geroago, maiatzaren 7 eta 8an, Latineko ikasleak Clunia erromatar hiriko Antzerki klasikoaren jaialdira joango dira. Hortaz aparte, Donemiliaga Kukulan (Errioxa) Yusoko monastegia bisitatuko dute, euskarazko eta erdarazko lehenengo testigantza idatzien sorlekua, hain zuzen ere.